تليتلي على الطريقة القسنطينية من مطبخي (سلسلة اطباق نهاد صيف 2011)
5 مشترك
كاتب الموضوع
رسالة
ḒąĦiņ Ļĕḋa || الآدآرهـّ العّآمهـّ ~
الولاية : عاصمية متوطنة في بسكرة عدد المساهمات : 940 تاريخ التسجيل : 19/07/2010
موضوع: تليتلي على الطريقة القسنطينية من مطبخي (سلسلة اطباق نهاد صيف 2011) الإثنين يونيو 20, 2011 5:34 pm
السلام عليكم ورحمة الله تعالى وبركاته وبدون اطالة اليوم جبتلكم تليتلي على الطريقة القسنطينية ومن مطبخي ضمن سلسلة اطباقي لصيف 2011 التليتلي سهل جدا لكن يجب اتباع الخطوات اولا في طنيجرة ديري مورسو مع حميصة زيدي سكرفجيلو بصل وزيدي الزيت والملح والفلفل اكحل وقرفة وذبليهم مليح فوق نار هادية وفي نفس الوقت ديري الماء في قدرة اللي رايحة تفوري فيها التليتلي ديالك في مقلة حمصي التليتلي مع الزيت والملح بالصح لازم تتاكدي انو الزيت قاس كل التليتلي ديالك يعني تشمخ gاع بالزيت وحمصيه مليح حتان يحمار وعلى نار قليلة برك يعني نقضيلها مليح كي يتحمص حطيه في كسكاس وخليه يفور وفي هاذا الوقتن يكون ذبل البصل ديالك مرقيه بالماء المغلي تقدري من القدرة اللي عندك من بعد قطعي مورصوات قرعة او كوسة من الاحسن تقسمي الحبة على زوج باش ماتذبلش وتروح وتطلق بنتها في لاصوص وارميها اطيب في الطنيجرة مع المرقة ديالك كي يفور التليتلي فرغيه في قصعة وشمخيه مليح بالماء السخون دايما من القدرة بالصح عوميه ماشي بزاف مي لازمو يعوم شوية وغطيه وخليه يشرب الماء كامل من بعد رجعيه يفور وزيدي عاودي الطريقة زوج مرات يعني تفوريه ثلاث مرات الاولى بالزيت وزوج لوخريت بالماء بعد ماتكملي فرغي التليتلي ديالك في الطنيجرة الي وجدتي فيها لاصوص وخليه يتجمر شوية للتزين غلي حبات بيض ونحي من الطنيجرة الدجاج وحمريه في المقلة بالزيت طبعا ونحي تاني حبات القرعة مع الحميصة ديالك وخليها بجيهة كي تكملي حطي التليتلي في قصعة وزينيه بالبيض لمغلي والدجاج والقرعة والحميصة بهاذي الطريقة وان شالله يعجبكم [ندعوك للتسجيل في المنتدى أو التعريف بنفسك لمعاينة هذه الصورة]
وان شالله يعجبكم واذا مافهمتوش اي حاجة قولولي اختكم نهاد لاتنسونا من دعائكم الصالح
أم داوود **عضو فعال**
الولاية : قلب زوجي عدد المساهمات : 82 تاريخ التسجيل : 02/06/2011
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) السبت يونيو 25, 2011 2:11 pm
تليتلي تاع الصح تعطيك الصخة نهاد مي درتي فيه لمسة عاصمية لي هي القرفة بربي نسييها بالاك تزيدلو فالبنة ربي يعطيك ما تتماناي
ḒąĦiņ Ļĕḋa || الآدآرهـّ العّآمهـّ ~
الولاية : عاصمية متوطنة في بسكرة عدد المساهمات : 940 تاريخ التسجيل : 19/07/2010
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) الأحد يونيو 26, 2011 6:07 am
ايه تاع الصح اختي احنا القرفة دايما اندخلوها وهي تزيد تبنن الماكلة شكرا على المرور حبيبتي نورتي الموضوع
the purple girl **عضو جديد**
الولاية : ghardaia عدد المساهمات : 26 تاريخ التسجيل : 03/08/2011
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) الخميس أغسطس 04, 2011 1:33 pm
يعتيك الصحة يا الشاطرة الله يبارك عليك مرة و عليك الكلام
ḒąĦiņ Ļĕḋa || الآدآرهـّ العّآمهـّ ~
الولاية : عاصمية متوطنة في بسكرة عدد المساهمات : 940 تاريخ التسجيل : 19/07/2010
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) الخميس أغسطس 04, 2011 2:04 pm
الله يسلمك حنونة شكرا على ردك المشجع ربي يخليك اختي ومرحبا بيك معانا
soumia25 **عضو جديد**
الولاية : algerie عدد المساهمات : 2 تاريخ التسجيل : 23/08/2011
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) الثلاثاء أغسطس 23, 2011 5:39 pm
yeslamouuuuuuu sh7al nmout f tlytlyyyyyyyyyyy merci ma cherie
alma l'algerienne مانقدروش نستغناو عليه
الولاية : العاصمة (باب الزوار عدد المساهمات : 137 تاريخ التسجيل : 20/07/2010
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) الثلاثاء أغسطس 23, 2011 5:42 pm
وانا تاني نعشقوووووووووووو وانموت عليه صح ناهوووووووووووو ربي يخليهم هههههههه
ḒąĦiņ Ļĕḋa || الآدآرهـّ العّآمهـّ ~
الولاية : عاصمية متوطنة في بسكرة عدد المساهمات : 940 تاريخ التسجيل : 19/07/2010
موضوع: رد: تليتلي على الطريقة القسنطينية من مطبخي (سلسلة اطباق نهاد صيف 2011) الثلاثاء أغسطس 23, 2011 5:57 pm
شكرا على المرور نورتو اكيد قوليلي واش عجبك برك
تليتلي على الطريقة القسنطينية من مطبخي (سلسلة اطباق نهاد صيف 2011)