nn حنونة ماكترتي عليا ماوالو بالعكس كاشما تسحقي gاع راني هنا
ماعنديش الفوطوات لاني ماصورتش مي الطريقة هايليك
العجينة :
500 غ سميد
250 غ سكر
125 غ زبدة ذائبة
125 مل سائل (نصف ماء زهر + نصف ماء )
مقادير الحشو:
1 كيلة لوز مطحون
ربع كيلة سكر
مغرف كبيرة زبدة ذائبة
مغرف صغيرة قرفة
مقادير القطر :
1 لتر ماء
500 غ سكر
ربع حبة قارس ليمون
فنجان من ماء زهر
الطريقة :
العجينة وجديها ليلة من قبل
خلطي السميد مع السكر من بعد زيديلو الزبدة وخلطيهم بصباع يدك بلا ما تعجني وفي اللخر زيديلو نص كمية السائل اللي عندك اما النص التاني خليه للغدوة وخلطيهم كيما تخلطي الكسكس
وغطيها وخليها في الثلاجة ليلة كاملة وهذا مهم جدا
الغدوة اجبدي العجينة ديالك وخليها ترتاح نصف ساعة في جو الكوزينة اللي رايحة تخدمي فيها قلب اللوز ديالك من بعد وغير بلاعقل زيديلو النص اللي بقالك من السائل وخلطي دايما بنفس الكيفية
وخلطي كل مقادير الحشو مع بعض من بعد في سنيوة ادهنيها مليح بالزبدة حطي نصف كمية العجينة اللي عندك
وحطي فوقها الحشو من بعد زيدي النص لاخر من العجينة
وقطعيها مربعت بالموس وحطي في كل مربع حبة لوز وادهنيها بالزبدة ودخليها للفور درجة حرارة 200 مئوية وفي نفس الوقت وجدي الشاربات ديالك باش غير تخرجيه من الفور اسقيه بيها مباشرة
خليه يبرد من بعد زيدي قطعيه
وكي تحتاجي اي حاجة راني هنا ان شالله
المهم كي تجربيه قولينا النتيجة هاذا ماكان
ودعواتك ليا بالنجاح