اريد كيفية الكاستال

انا نموت على الكاستال و ماناعرفش نديرو تعيشو اعتيوني الكيفية

ياريت تفهمينا اكتر واشنو هو الكاستل باش نفهموك
اذا تقصدي القسطل وهو نوع من المكسرات فهاذاك تحمصيه في الفور حتان تسمعيه بدا يطرطق

شكرا حبيبتي أنا أنعرف القصطل بصح الكاستال نوع من القاطو بالاك يتخدم من الكاوكاو و يتباع في كل الحوانت لي يبيعو الحلويات

انا اسمحيلي مانعرفوش بالصح عندنا المختصة في عالم الطبخ
نهاد بنت العاصمة
ان شالله كي تدخل تساعدك ربما تكون تعرفو
اسمحيلنا

تعيشي يا حبيبتي زيدي اعطيني الطريقة الأولى و قوليلي يصاح ندير الكاوكاو بالقشور بانتلي لي يتباع يديروه بالقشور و هدا هو لي نحوس عليه تعيشي كي فهمتيني

اختي انا طريقتي بلا قشور تحبي اديريه بالقشور مكان حتى مشكل
بالنسبة للطريقة التانية هايليك

بالصح هادا بلا كاوكاو
4 بيض +كاس سكر الا قليل +كاس زيت +3 خميرة حلويات
الطريقة
1 نخفق بياض البيض جيدا ثم نظيف الصفار مع استمرارية الخفق
ثم نخلط جميع المكونات الاخرى ثم نضيف لها الخلطة الاولى
ثم نظيف الفرينة ونخلط جيدا حتى تصبح عجينة لينة نوعا ما ثم ناخذ قليلا من العجينة ونيف لها قليلا من الفرينة حتى تصبح يابسة
ندهن البلاطو بالزيت ثم نضع العجينة ثم نصب فوقها المعجون ثم نربي فوقها العجينة التي اضفنا اليها الفرينة
ثم ندخلها الفرن حتى تنضج ونتركها تبرد قليلا ثم نقطعها الى مربعات

اختي الخميرة يعني دوبيها في الحليب
اما باش تخبيه والله مانكذب عليه انا نديرو من ياكلوه في نهارو ماسييتش خبيتو

بصحتك حنونة وان شالله يجيك مليح
واي وصفة واحدواخرى راني هنا نتمناو نشوفوك دايما في المنتدى حبيبتي