قوم حبي والفال للمخبي (لعبة رائعة جدا)

[/i][/b][i]السلام عليكم ورحمة الله تعالى وبركاته
واش راكم يالحوائيات ويابنات بلادي الغاليات
اليوم جبتلكم لعبة هايلة
اسمها 'قوم حبي والفال لمخبي'
وهي ببساطة كل وحدة تتكتب اسمها واسم حبيبها (بدون وضع القاب واسماء العائلات)
من بعد انا نحسب الحروف ونزيدلها حروف وحدة من هاذو
حب او زواج او كتوب
يعني كل وحدة وازهرها
المجموع اللي يطلع انا عندي قائمة من الامثال والبوقالات
ونحطوها وكل وحدة تشوف فالها
وان شالله نلقاو تفاعل مع اللعبة وتشاركو كمال
ملاحظة اللعبة للتسلية فقط لادخل للغيبيات فيها وان كانت الامثال متطابقة مع الواقع فذلك صدفة فقط
يلا نشوف تفاعلكم وشوفو فالكم

يلا نبدا انا
نهاد و عادل +......
المجموع 12
فالي هو (والله غير زهر ماراني رايحة نغش )
(حبطت لقاع البحر لقيت شباب غايس قتلو واش بيك غايس قالي سفينتي راهي بلا رايس انتي تحبيني وانا نحبك اجي ندخلو عرايس )
ههههههههههه والله غير زهر بالصح هايل
يلا جا دوركوم

ياعطيك الصحة نهاد هادي لعبة هايلة
يلا هادي هي الاسماء
نور +احمد
يلا شوفي الفال وان شالله يعود حاجة شابة

مرحبا بيك نور في الموضوع
المجموع 9
فالك يقول
(شدني يا ناسي شدني من يدي من غيرك ماندي يا حبيبي كلامك زين وسلامك ياسمين عندي)
ان شالله يعجبك حنونة

اوووووووووووووو هايل يعطيك الصحة ميرسي نهاد ربي يخليك

والله غير هادي هايلة
شحال توحشتكم يالبنات علابلي بلي غبت عليكم
ايا لقيتكم هنا قولت ندخل اسمحوولي علا بالي باللي انا مدام وهاذي ماشي بلاستي
بالصح عجبني الموضوع ايا نشارك نهاد ماعليش اسم زوجي
ايا معليش ههههههههه
رشا + رفيق
ان شالله الفال مليح

هههههههههههههههههه حنا تاني توحشناك طاطا توحشناك بزااااااااف
ماعليش مرحبا بيك وسطنا والدار دارك قصدي القسم قسمك
واللعبة ماشي غير للبنات للحوائيات كامل
المجموع هو 12
فالك يقول
(العين رقة والحاجب مشقة وخدودك تفاح,عليه الورد فتاح,يازينة الفعايل لملاح,حصل قلبو عندك وماصابلو مفتاح )
ان شالله يعجبك وسلمي على رفيق ولولاد

هادا موضوع ولا خلي
بالصح الله الله راكم ناشطين ياه
يعطيك الصحة ناهو شوفيلي فالي
ليلى + بدر الدين
يااااااااااااااااااااااااااااااارب
واش دخلك هنا يا رشا اه؟؟؟؟؟ :x
بالصح نورتي

مرحبا بيك ليلى نورتي
والله يسلمك
بالصح واش راحلك في رشا جات تنور القسم يالغيورة ههههههههه
المجموع 14 فالك يقول
(يا جاية من عند العين, وبيدك مليتي القلة, سبحان من عطاك الزين,وزادت في بهاك الحنة)
ان شالله يعجبك حنونة

فالكم قاع هايل بصحتكم بالصح فالي هو المخير تاع المخير ههههههههههههههههههه

سلمت يداكي هادو هما الاسماء سارو و وليد

الموجموع 13
الفال يقول
عيونك توت وحواجبك ياقوت, انا نحب وليد واللي حاب يموت يموت

مرسي حبيبتي نهاد[ندعوك للتسجيل في المنتدى أو التعريف بنفسك لمعاينة هذه الصورة]

يلا حبيباتي زيدو شعلوهانا بشوية اومبيونس

alma l'algerienne كتب:

هادا موضوع ولا خلي
بالصح الله الله راكم ناشطين ياه
يعطيك الصحة ناهو شوفيلي فالي
ليلى + بدر الدين
يااااااااااااااااااااااااااااااارب
واش دخلك هنا يا رشا اه؟؟؟؟؟ :x
بالصح نورتي

واش راحلك فيا دخلت نقرعج عليكم
ههههههههههه يخي سامطة

قمر الزمان كتب:

اييه راكم هنا يالحوائياااااااااات توحشتكم بزاااااااااااااف هاذي غيبة
نانو موضوع يهبل وراكي مسخنة الحالة ياه
بالصح لومبيونس ماتكملش بلا بيا حيوووووووووووووووو

ايا شوفيلنا فال مفصل عليا

عبير + شاهد

ماتبطايش ها

وي حنونة كيما العادة انا ديما خرجاتي وحدها ههههه
تع الصح لومبيونس ماتكملش بلا بيك توحشناك يالهاربة
بالصح شكون هاذا شاهد اه
والمجموع 11
وفالك يقول
11* جزت على جنية ، قالت لي واش تحوسي يا ولية ، قلت لها مانى نحوّسلا على مال ولا على جاه، نحوس على منحبيتو يولي ليّا .
ونزيدلك فوقها بونوس هاكي هههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

امممم نهااد راكي تعرفي الاسم احسبي واكتبي البوقالة بلا ماتدكريه هههههههههه
راني نستناا

يعطيك الصحة نهاد راكي حطيتي موضوع وعليه الكلام

مام الكلمات ماتقدرش توصفوا

وللاسف اانا ماعنديش حبيب

وان شاء الله مايكونش عندي حتى نتزوج يعني حبيبي هو زوجي

والله احسن اختيار ياحبيبتي الحب هم ووجع قلب والله ماكنش قد الطفلة تعود ليبر ههههههههههه
نورتي موضوعي حنونة

سعدت بتواجدي في صفحاتك العطرة

النور نورك اختي